དཔལ་ས་སྐྱའི་མཐོ་རིམ་སློབ་གྲྭ་ཆེན་མོ།

འཇིག་རྟེན་གྱི་ཁམས་འདིར་སངས་རྒྱས་ཀྱི་བསྟན་པ་རིན་པོ་ཆེ་དར་ཞིང་རྒྱས་པ་དང་། དེ་འཛིན་གྱི་སྐྱེས་བུ་གང་ན་སུ་བཞུགས་ཐམས་ཅད་ཀྱི་སྐུ་ཚེ་ཞབས་པད་ཡུན་དུ་བརྟན་པ་དང་། བསྟན་པའི་སྦྱིན་བདག་རྣམས་ཀྱི་རྐྱེན་ངན་བར་ཆད་ཐམས་ཅད་སེལ་ཞིང་ཚེ་བསོད་དཔལ་འབྱོར་ཡར་ངོའི་ཟླ་ལྟར་འཕེལ་ཞིང་རྒྱས་པ་དང་། ཡངས་པའི་རྒྱལ་ཁམས་ཀུན་ཏུ་ནད་མུག་འཁྲུག་རྩོད་སོགས་ཞི་ཞིང་སྐྱེ་འགྲོ་སྤྱི་ལ་སྨན་པའི་ཞབས་རིམ་དུ། ཕྱི་ཟླ་བདུན་པའི་ནང་བཤད་གྲྭ་ཡར་འཚོགས་པ་དང་གཏུམ་ཆེན་མ་འབུམ་ཐེར། རྒྱུན་དུ་མགོན་ཁང་ནང་མགོན་བླས་བསྐང་གསོ་ཉིན་ལྟར་ཆད་མེད་དང་། དགེ་འདུན་པ་སྤྱིས་ཉིན་རེ་བཞིན་སྔ་དྲོར་རྒྱུན་ཆགས་གསུམ་པ་དང་འབྲེལ། བར་བསམ་སྒྲོལ་གསུམ། ཚེ་ལྷ་རྣམ་གསུམ་གྱི་གཟུངས་སྔགས། ཤེས་རབ་སྙིང་པོ་དང་བསྔོ་བ་སྨོན་ལམ་གསུང་བཞིན་ཡོད། ཟླ་རེའི་ནང་རེས་མོས་ཀྱིས་སྒྲོལ་ཆོག་བརྒྱ་ཚར་དང་། ཚེ་ཆོག་བརྒྱ་ཚར། སྨན་ཆོག་བརྒྱ་ཚར་རེ་གསུང་གི་ཡོད་ལ། རེ་དགའ་ནི་བརྒྱ་བཞི་དང་བདུད་ཟློག་གཉིས་ཀྱང་འཚོགས་ཀྱི་ཡོད། ཟླ་བ་བྱུང་ངོ་ཅོག་གི་བོད་ཚེས་ཉེར་དགུ་ལ་གྲྭ་མང་ནས་བསྐང་གསོ་རྒྱས་པ་འཚོགས་ཀྱི་ཡོད་པས། འབྲེལ་ལམ་བརྒྱུད་ནས་གོང་གསལ་ཞབས་རིམ་གང་ཞུས་ཀྱང་བཤད་གྲྭ་ནས་ཐུགས་སྨོན་གནད་སྨིན་གནང་གི་ཡོད།